दीपेन्द्र प्रजापति कालो झोला ।
बीरगंज, १७ माघ । वडा प्रहरी कार्यालय, विर्ताले विशेष सूचनाको आधारमा मंगलबार दिउँसो करिब ०४:३० बजेको समयमा वीरगञ्ज महानगरपालिका वडा नं. १०, आदर्शनगर श्रोत नखुलेको रु. ६ लाख सहित एक जना भारतिय नागरीक लाई आफ्नो नियन्त्रणमा लिएको छ ।
उक्त दिन त्यहाँ बाट खटिएको प्रहरी टोलीले उल्लेखित स्थान बाट BR 05 Q 4384 नम्बरको सुपर स्पलेण्डर मोटरसाईकलमा सवार भारतको बिहार राज्यको पूर्वी चम्पारण जिल्ला मोतीहारी थाना रक्सौल ग्राम रक्सौल वडा नं. १४ बस्ने वर्ष २७ को ओम कुमार रौनियारलाई शंका लागी चेक जाँच गर्दा उक्त मोटरसाईकलको वाँया पट्टीको लेगार्डमा Gold Premium Jeera Rice लेखिएको प्लाष्टिकको बोरामा लुकाइ छिपाई राखिएको नेपाली र ५ सयको दरका नोट १ हजार २ सय थान गरी जम्मा रु. ६ लाख फेला पारी कानूनी रितपुर्याई खानतलासी बरामदी गरी उल्लेखित नम्बरको मोटरसाइकल तथा निज ओम कुमार रौनियारलाई नियन्त्रणमा लिई जिल्ला प्रहरी कार्यालय, पर्सा मा ल्याइ निज विरुद्ध मुलुकी अपराध संहिता, २०७४ को दफा १२५ को (क) बमोजिम ( हुण्डी सम्बन्धी कारोबार गर्न नहुने ) कसूरमा थप अनुसन्धान कार्य भईरहेको कुरा बिहीबार सूचना अधिकारी प्रहरी नायब उपरीक्षक किशोर लम्साल ले बताएका छन् ।
