दीपेन्द्र प्रजापति/कालो झोला ।
बीरगंज, ०८ साउन । प्रहरी चौकी, बस पार्क ले राति करिब ०९:३० बजेको समयमा वीरगञ्ज महानगरपालिका वडा नं. १६, भानुचोक स्थित सडक खण्ड बाट १९ राउण्ड गोली सहित एक जना भारतीय नागरिक लाई आफ्नो नियन्त्रणमा लिएको छ ।
जिल्ला प्रहरी कार्यालय, पर्सा को प्रवक्ता प्रहरी नायब उपरीक्षक निर्मल बुढाथोकी का अनुसार त्यहाँ बाट खटिएको नियमित चेकिङ टोलीले चेक जाँच गर्ने क्रममा एक जना अपरिचित व्यक्तिले संकास्पदरूपमा हाँतमा झोला बोकी पैदल हिँडि बसपार्क तर्फ आउदै गरेको अवस्थामा निजलाई कानूनी रीतपुर्याई खानतलासी गर्दा 12 Shaktiman 12 Express लेखिएको सर्टगनको गोली १५ राउण्ड, KF 12 लेखिएको सर्टगनकै गोली ३ राउण्ड तथा 12 KF 1296 लेखिएको १ राउण्ड गरी जम्मा १९ राउण्ड गोली फेला परेको हुँदा उक्त गोली सहित भारतको विहार राज्य, जिल्ला पश्चिमी चम्पारण, वेतिया, ग्राम लगुनाहा वडा नं. १४ बस्ने वर्ष २२ को मुरारी कुमार कुशवाहालाई नियन्त्रणमा लिई निज विरुद्द हातहतियार तथा खरखजाना सम्बन्धी कसूरमा थप अनुसन्धान कार्य भैरहेको छ ।
