दीपेन्द्र प्रजापति/कालो झोला ।
बीरगंज, ०४ असोज । सशस्त्र प्रहरी बल नेपाल प्रस्तावित सीमा सुरक्षा गुल्म, बीरगंज बाट खटिएको टोलीले शुक्रबार बीरगंज महानगरपालिका वडा नं. १६, ईनर्वा स्थित बिभिन्न सीमा नाकाहरु बाट अबैध रुपमा भन्सार छली स्वयम् ब्यक्ति तथा बिभिन्न सार्वजनिक सवारी साधनहरु लगायत ना. ५७ प ५३२६ नंबरको मोटरसाइकल मा लोड गरी नेपाल तर्फ ल्याउदै गरेको अंदाजी मुल्य रु. १४ लाख ६४ हजार ७ सय ७० बराबरको किराना सामान, कपडा, जुता र बिभिन्न किसिमको औषधि सहित उक्त मोटरसाइकल नियन्त्रणमा लिई आवश्यक कारवाहिको लागि बिरगंज भन्सार कार्यालयमा बुझाएको छ ।
साथै आजकै सशस्त्र प्रहरी बल नेपाल वि.ओ.पि सिर्सिया बाट खटिएको टोलिले रु. २ लाख १० हजार ५ सय १० बराबरको कपडा नियन्त्रणमा लिईएको छ, भने वि.ओ.पि. अमरपट्टी बाट खटीएको टोलीले रु. ५२ हजार बराबरको कपडा बरामद गरी जम्मा रु. १७ लाख २७ हजार २ सय ८० बराबरको विभिन्न किसिमका सामानहरु बरामद गरी आवश्यक कारवाहीको लागि आजै बीरगंज भन्सार कार्यालय मा दाखिला गरेको कुरा सशस्त्र प्रहरी बल नेपाल नं. १३ मुख्यालय, पर्सा का सूचना अधिकारी सशस्त्र प्रहरी नायब उपरीक्षक देबेन्द्र सिंह ले बताएका छन् ।
