दीपेन्द्र प्रजापति/कालो झोला ।
बीरगंज, २० मंसिर । सशस्त्र प्रहरी बल नेपाल प्रस्तावित सीमा सुरक्षा गुल्म, अलौ ले विशेष सूचनाको आधारमा बिहीबार बीरगंज महानगरपालिका वडा नं. २१, परवानिपुर बाट भारत बाट अवैध रुपमा मधेश प्रदेश ०३-००१ च ८४९२ नम्बरको टाटा योधामा रु.१ लाख ४० हजार बाराबरको २ वटा लैनो भैषि लोड गरी जितपुर तर्फ लैजादै गरेको अवस्थामा गाडि सहित नियन्त्रणमा लिई उक्त गाडिको मूल्य रु. २२ लाख मूल्यांकन गरी बिरगंजमा भन्सार कार्यालयमा बुझाइएको छ ।
यसै गरी सोही दिन सशस्त्र प्रहरी बल, नेपाल सिमा सुरक्षा गुल्म, भिखमपुर बाट खटिएको टोलिले पर्सा जिल्लाको जगरनाथपुर गाउँपालिका वडा नं. ०२ बाट भारत बाट अवैध रुपमा भन्सार छलि २ वटा ई-लोडरले रु. २ लाख बराबरको १० वटा नयाँ ब्याट्री बदली गरि ल्याएको अवस्थामा फेला परेको हुदा सो ई-लोडर नियन्त्रणमा लिई रु. ६ लाख मुल्याकन गरी बिरगंज भन्सार कार्यालयमा बुझाइएको छ ।
यसै गरी बिभिन्न मिति र समयमा सशस्त्र प्रहरी बल नेपाल नं.१३ गण मुख्यालय, पर्सा बाट खटिएको टोलीले वीरगंज महानगरपालिकाका बिभिन्न स्थानहरु बाट अबैध रुपमा भारत बाट भन्सार छली नेपाल तर्फ ल्याउँदै गरेको मुल्य रु. ६ लाख ६८ हजार ३ बराबरको बिभिन्न सामानहरु नियन्त्रणमा लिई आवश्यक कारवाहीको लागि बिरगंज भन्सार कार्यालय पर्सामा बुझाइएको छ ।
सोही क्रममा सशस्त्र प्रहरी बल नेपाल बि.ओ.पि ड्राईपोर्ट बाट खटिएको टोलिले शुक्रबार बीरगंज महानगरपालिका वडा नं. २४, बहुअरी बाट अबैध रुपमा भारत बाट भन्सार छली नेपाल तर्फ ल्याउँदै गरेको मुल्य रु. १ लाख ३१ हजार ८५ बराबरको मोटरसाईकल सहित किराना सामान र सोही मितिमा सीमा सुरक्षा गुल्म बीरगंज बाट खटीएको अर्को टोलिले बीरगंज महानगरपालिका वडा नं. १६, रेल्वेरोड बाट रु. ४९ हजार ३ सय बराबरको जुता-चप्पल र कपडा नियन्त्रणमा लिई आवश्यक कारवाहीको लागि बिरगंज भन्सार कार्यालय पर्सामा बुझाएको छ ।
साथै सशस्त्री प्रहरी बल नेपाल प्रस्तावित सीमा सुरक्षा गुल्म, भिखमपुर मातहत रहेको FOB आश्वारी बाट शनिबार खटिगएको टोलिलाई देखि भारत बाट अबैध रुपमा भन्सार छली १ जना ब्यक्तिले मोटरसाईकलमा राखि नेपाल तर्फ ल्याउदै गरेको मुल्य रु.२० हजार बराबरको २० रोल नेटको तार बरामद गरी बिरगंज भन्सार कार्यालय पर्सामा बुझाएको कुरा सूचना अधिकारी सशस्त्र प्रहरी नायब उपरीक्षक विश्वराज योन्जन ले बताएका छन् ।
