दीपेन्द्र प्रजापति/कालो झोला ।
बीरगंज, ०५ पौष । सशस्त्र प्रहरी बल नेपाल नं. १३ गण मुख्यालय, पर्सा बाट शुक्रबार खटिएको टोलीले वीरगंज महानगरपालिका वडा नं. २५ खलवा टोला नाका स्थित भारत बाट अबैध रुपमा भन्सार छली विभिन्न सवारी साधनहरुमा लोड गरी नेपाल तर्फ ल्याउँदै गरेको मुल्य रु. ७ लाख ५६ हजार ४ सय ९० बराबरको कपडा र कस्मेटिक सामानहरु बरामद गरि आवश्यक कारवाहीको लागि वीरगंज भन्सार कार्यालमा बुझाएको छ ।
सोही क्रममा सशस्त्र प्रहरी बल नेपाल सीमा सुरक्षा गुल्म मुख्यालय, वीरगंज बाट खटिएको टोलिले पनि वीरगंज महानगरपालिका वडा नं. २५ खलवा टोला नाका स्थित नै भारत बाट अवैध रुपमा साईकलमा लोड गरी नेपाल तर्फ ल्याउँदै गरेको मुल्य रु. ७ लाख ४९ हजार ८ सय बराबरको कपडा, किराना, कफिदाना तथा कस्मेटिक सामानहरु बरामद गरि आवश्यक कारवाहीको लागि वीरगंज भन्सार कार्यालयमा बुझाएको छ ।
यसै गरी सशस्त्र प्रहरी बल नेपाल सीमा सुरक्षा गुल्म मुख्यालय, अलौ बाट खटिएको टोलिले विरगंज महानगरपालिका वडा नं. १७, कोनिया स्थित भारत बाट अवैध रुपमा भन्सार छली नेपाल तर्फ साईकलमा ल्याउँदै गरेको मुल्य रु. १ लाख २ हजार ५ सय ७० बराबरको किराना र एयरबड्स बरामद गरि जम्मा मूल्य रु. १६ लाख ०८ हजार ८ सय ६० बराबरको आवश्यक कारवाही लागि वीरगंज भन्सार कार्यालयमा बुझाएको कुरा सूचना अधिकारी सशस्त्र प्रहरी नायब उपरीक्षक विश्वराज योन्जन ले बताएका छन् ।
