दीपेन्द्र प्रजापति/कालो झोला ।
बीरगंज, ०८ मंसिर । सशस्त्र प्रहरी बल नेपाल प्रस्तावित सीमा सुरक्षा गुल्म, सुवर्णपुर आज दिउँसो करिब ०४:०० बजेको समयमा पर्सा जिल्लाको ठोरी गाउँपालिका वडा नं. ०४, मालिबस्ती बाट प्रतिवन्धित लागु औषध गाँजा सहित दुई वटा बेवारिसे मोटरसाईकल आफ्नो नियन्त्रणमा लिएको छ ।
आज त्यहाँ बाट खटिएको टोलिले उल्लेखित स्थान भएर नेपाल बाट भारत तर्फ जाँदै गरेको प्र. ०२ ००१ प ५२०२ र BR 22 AK 2944 नम्बरको मोटरसाइकल लाई चेक जाँच गर्ने क्रममा दुई वटै मोटरसाईकल चालक मोटरसाईकल छाडी भागि गएको हुँदा उक्त मोटरसाईकल लाई चेक जाँच गर्दा मोटरसाईकल को ट्याङ्की भित्र लुकाई छिपाई राखिएको अंदाजी ९ के. जी. लागु औषध गाँजा फेला परेको हुँदा दुई वटै मोटरसाईकल र मोबाईल (एन्ड्रोईड) १ थान सहित गाँजा बरामद गरी आवश्यक कारवाहीको लागि नेपाल प्रहरीलाई बुझाइएको कुरा शसस्त्र प्रहरी बल नेपाल नं. १३ गण मुख्यालय, पर्सा का सूचना अधिकारी सशस्त्र प्रहरी नायब उपरीक्षक विश्वराज योन्जन ले बताएका छन् ।
