दीपेन्द्र प्रजापति/कालो झोला ।
बीरगंज, ३१ भाद्र । सशस्त्र प्रहरी बल नेपाल नं. १३ गण मुख्यालय, पर्सा मातहत रहेको सशस्त्र प्रहरी बल नेपाल, एफ. ओ. बी. आई. सी. पी. ले शनिबार साँझ करिब ०६:०० बजेको समयमा एउटै नम्बर प्लेटको दुई वटा भारतीय मालबाहक ट्रकलाई आफ्नो नियन्त्रणमा लिएको छ ।
उक्त दिन त्यहाँ बाट खटिएको मोबाईल गस्ती टोलीले बीरगंज महानगरपालिका वडा नं. १७, अलौं स्थित रहेको एकिकृत जाँच चौकी (आई. सी. पी.) ईलाकाबाट एउटै नम्बर प्लेट UP 70 FT 2525 भएका दुई वटा भारतीय ट्रक ( एक वटा खाली र एक वटा मकै लोड गरिएको ट्रक) नियन्त्रणमा लिई आवश्यक कारवाहीको लागि आईतबार वीरगंज भन्सार कार्यालयमा बुझाइएको कुरा सूचना अधिकारी सशस्त्र प्रहरी नायब उपरीक्षक संगम श्रेष्ठले बताएका छन् ।
