दीपेन्द्र प्रजापति/कालो झोला ।
पर्सा, ३१ असार । सशस्त्र प्रहरी वल नेपाल प्रस्तावित सिमा सुरक्षा गुल्म वीरगंज, पर्सा र प्रहरी चौकी ईनर्वाबाट खटिएको संयुक्त टोलिले आईतबार प्रतिवन्धित लागुऔषध विनसेरेक्स टी १०० एम. एल. को ७६ बोतल, व्याक्ति र मोटरसाईकल बरामद गरेको छ ।
बिरगंज महानगरपालिका वडा नं. १६, भन्सार पछाडि मन्दिर नजिकको खेतमा त्यहाँ बाट डिउटी खटिएको संयुक्त टोलीले भारत बाट नेपाल तर्फ आउदै गरेको ना. २१ प ५६९४ नम्बरको मोटरसाईकल रोकी चेकजाँच गर्दा बिरगंज महानगरपालिका वडा नं. १४ बस्ने अन्दाजी वर्ष ३२ को कैशर अली अन्सरी सवार मोटरसाईकल भित्र हरियो प्लाष्टिक को झोलामा लुकाई छिपाई ल्याउदै गरेको लागु औषध बरामद गरी प्रतिवन्धित लागुऔषध, मोटरसाईकल र व्याक्तिलाई आवश्यक कानुनी कारवाहीको लागि प्रहरी चौकी ईनर्वामा बुझाएको प्रस्तावित सिमा सुरक्षा गुल्म वीरगंज का गुल्मपति सशस्त्र प्रहरी नायब उपरीक्षक राम जंग पाण्डेले बताएका छन् ।
