दीपेन्द्र प्रजापति/कालो झोला ।
बीरगंज, २१ कार्तिक । सशस्त्र प्रहरी बल नेपाल नं. १३ गण मुख्यालय, पर्सा तथा सशस्त्र प्रहरी बल नेपाल सुरक्षा बेस,बेलवा बाट खटिएको संयुक्त टोलीले आज बिहान करिब १०:०० बजेको समयमा खोलामा डुवेर मृत्यु भएको एउटा १२ बर्षिय बालकको सवलाई उद्दार गरेका छन् ।
बीरगंज महानगरपालिका वडा नं. २८ मा रहेको सिधुवाटोल स्थित छठिघाटको पोखरीमा बारा जिल्लाको विश्रामपुर गाउँपालिका वडा नं. ०५, मुसहरवा बस्ने कन्हाई साहको छोरा अंदाजी बर्ष १२ को शनि कुमार साह डुबी मृत अवस्थामा फेला परेको भन्ने स्थानिय बासिन्दाहरु बाट जानकारी प्राप्त हुने बितिकै सुरक्षा बेश बेलवा बाट सशस्त्र प्रहरी नायव निरीक्षक लोक बहादुर कार्किको कमाण्डमा ५ जना र स.प्र.वल नेपाल नं.१३ गण हे.क्वा.पर्साबाट सशस्त्र प्रहरी सहायक निरीक्षक संजिव यादवको कमाण्डमा ७ जनाको विपद उद्दार टोलीले उक्त शव बाहिर निकाली आवश्यक प्रकृयाको लागि नेपाल प्रहरीलाई बुझाईएको कुरा सूचना अधिकारी सशस्त्र प्रहरी नायब उपरीक्षक विश्वराज योन्जन ले बताएका छन् ।साथै उक्त स्थानमा वडा प्रहरी कार्यालय, विर्ता बाट पनि प्रहरी निरीक्षक नविन थापाको कमाण्डमा टोली समेत खटिएको थियो ।
