दीपेन्द्र प्रजापति/कालो झोला ।
बीरगंज, २५ मंसिर । सशस्त्र प्रहरी बल नेपाल सीमा सुरक्षा गुल्म मुख्यालय, सुवर्णपुर ले आज दिउँसो करिब ०३:०० बजेको समयमा प्रतिवन्धित लागु औषध गाँजा ९१ किलो ग्राम आफ्नो नियन्त्रणमा लिइ नेपाल प्रहरीलाई बुझाएको छ ।
पर्सा जिल्लाको ठोरी गाउँपालिका वडा नं. ०४, निर्मलबस्ती स्थित बाट सशस्त्र प्रहरी नायब उपरीक्षक किशन के. सी. को कमाण्डमा खटिएको १० जनाको पैदल गस्ति टोलिलाई देखी ९/१० जना ब्यक्तिहरुले नाम्लो लगाई ढाँडमा बोकी नेपाल बाट भारत तर्फ लैजादै गरेको ६ वटा प्लास्टिकको पोका फालि भागिगएको र उक्त पोका हेर्दा ९१ के. जी. लागु औषध गाँजा रहेको हुँदा उक्त गाँजा बरामद गरी साँझ ०५:१५ बजेको समयमा सोही स्थान बाट ईलाका प्रहरी कार्यालय, ठोरी लाई बुझाएको छ ।
