स्पेनको बार्सिलोना नजिकै भएको रेल दुर्घटनामा रेल चालकको मृत्यु भएको छ भने कम्तिमा ३७ जना घाइते भएका छन्, जसमध्ये पाँच जनाको अवस्था गम्भीर छ ।
स्थानीय अधिकारीहरूका अनुसार, रोडालिस रेल मंगलबार साँझ रिटेनिङ भित्तामा ठोक्किएको थियो । क्षेत्रीय अग्नि निरीक्षकले सबै यात्रुहरूलाई रेलबाट बाहिर निकालिएको बताएका छन् । उत्तरपूर्वी स्पेनमा आएको गम्भीर आँधीबेहरीका कारण यो घटना भएको हो र खराब मौसमका कारण पूर्वी र उत्तरपश्चिमी स्पेनको तटीय क्षेत्रहरूमा उच्च सतर्कता जारी गरिएको छ ।
क्याटालोनियामा भएको यो रेल दुर्घटना अघि आइतबार दक्षिणी स्पेनमा दुईवटा रेल ठोक्किएका थिए । म्याड्रिडबाट मालागा जाँदै गरेको उच्च गतिको रेल पटरीबाट खसेर विपरीत दिशाबाट आउँदै गरेको रेलसँग ठोक्किँदा दुर्घटना भएको थियो ।
दुर्घटनामा कम्तिमा ४२ जनाको मृत्यु भएको थियो । यो एक दशकभन्दा बढी समयको अवधिमा स्पेनको सबैभन्दा खराब रेल दुर्घटनाहरू मध्ये एक थियो ।
