दीपेन्द्र प्रजापति/कालो झोला ।
हाजिपुर, १० मंसिर । हाजीपुर शहरको ट्यागोर किड्स एण्ड हाई स्कूलमा आज भारतीय संविधान दिवस मनाइयो ।
कार्यक्रमको शुरुवात देश तथा विश्वमा मानव अधिकार पत्रकारिताका लागि प्रसिद्ध विद्यालय निर्देशक तथा वरिष्ठ पत्रकार डा. शशिभूषण कुमारले दीप प्रज्वलन गरेर यस कार्यक्रमको उद्घाटन गर्नुभएको थियो ।
“भारत र हाम्रो संविधान” विषयमा छलफल गर्दै डा. शशिभूषण कुमारले २६ नोभेम्बर १९४९ मा भारतको संविधान सभाले औपचारिक रूपमा भारतको संविधान अपनायो, त्यसपछि यो २६ जनवरी १९५० मा लागू भयो भनी बताए ।
हाम्रो संविधानको आधारभूत उद्देश्य भारतमा संसदीय शासन प्रणाली स्थापना गर्नु र नागरिकहरूलाई मौलिक अधिकार प्रदान गर्नु हो । यही कारणले गर्दा यो दिवसलाई ठूलो धुमधामका साथ मनाइन्छ र देशभरका सरकारी विभाग र विद्यालयहरूमा विभिन्न कार्यक्रमहरू आयोजना गरि मनाईन्छ ।
प्रधानाध्यापक सुष्मिता वर्माले संविधान कुनै पनि देश वा संस्थाको आधारभूत नियमहरूको सेट हो जसले सरकारको संरचना, शक्ति र कर्तव्यका साथै नागरिकहरूको अधिकार र कर्तव्यहरू निर्धारण गर्दछ भनी बताइन् । यो देशको सर्वोच्च कानून हो र यसले सरकारका सबै अंगहरूलाई बाँधेर राखेको बताईन् ।सबै वक्ताहरूले आ-
आफ्नै शब्दमा भारत र संविधानको महत्त्वबारे व्याख्या गरे। यस अवसरमा रूसी कुमारी, विवेक सर, कुन्दन कुमार, रेणु शर्मा, साक्षी कुमारी, लुवना नवाज, नेहा कुमारी, शबनम खानम, सुप्रिया कुमारी र सबै बालबालिकाहरू उपस्थित थिए ।
