दीपेन्द्र प्रजापति/कालो झोला ।
बीरगंज, २१ असार । पर्सा राष्ट्रिय निकुञ्ज अन्तर्गत पर्ने पर्साको पटेरवा सुगौली गाउँपालिका वार्ड नं. ०१ मा लाग्ने भाथाधाम मेला लाई लक्षित गरी आज एक कार्यक्रमका विच पत्रकार समिति गठन गरिएको छ ।
शम्भु महत्तो चौधरीको संयोजकत्वमा गठन भएको पत्रकार समितीले श्री श्री १००८ श्री बाबा दुधेश्वर नाथ महादेव मन्दिर भाथा धाममा लागने श्रावणी मेलालाई पर्सा जिल्ला लगायत देश तथा बिदेशमा समेत चिनाउने उद्देश्यले समिति गठन गरिएको छ ।
चौधरीको संयोजकत्वमा गठन भएका पत्रकार समितीले विगतको वर्षमा झै यस बर्ष पनि भारत लगायत विभिन्न देश बाट आएका श्रद्धालु भक्तजनहरुलाई भएको विभिन्न समयलाई सहज पार्न समितिले अहिले देखि नै सक्रिय भएर काम सुरु गरेको छ ।
विभिन्न ठाउँ बाट आउने श्रधालुहरुलाई दर्शन गर्न लगायत बाटोमा हुने विभिन्न समस्याको समाधान तथा सहजताको लागी मूल समिति तथा जिल्ला को प्रशासनिक निकायहरु सित अहिले देखी नै समितीले पहल गर्ने छ ।
यसै गरी समितिका सदस्यमा राजेन्द्र सिंह राजपुत, शैलेश गुप्ता, कृष्णा कुशवाहा, पनालाल साह, राजन सिंह, बलिराम यादव लगायतका रहेका छन ।
साथै समितिका सम्पूर्ण सदसयले आ आफ्नो तर्फ बाट भाथा धाम मेलाको प्रचार प्रसार तिब्र रूपमा गर्ने सहमती गरेका छन । असार २९ गते आइतवार भाथा धामको अवलोकन समेत गर्ने सर्व सहमती बाट निर्णय गरिएको छ ।
