दीपेन्द्र प्रजापति/कालो झोला ।
काठमाडौं, १९ असार । दोस्रो अन्तर्राष्ट्रिय मातृभाषा पत्रकार सम्मेलनको घोषणापत्र आज संयुक्त राष्ट्र संघलाई हस्तान्तरण गरिएको छ ।
सार्क पत्रकार मञ्चका अन्तर्राष्ट्रिय अध्यक्ष राजु लामा र एन. एफ. एन. जे. का राष्ट्रिय अध्यक्ष नृपेन्द्र लाल श्रेष्ठले एन. एफ. एन. जे. का नेता राजु नापित र सिर्जना नेवाको उपस्थितिमा संयुक्त राष्ट्र संघ नेपालका प्रतिनिधि सिम्रिका शर्मालाई घोषणापत्र हस्तान्तरण गरेका हुन् ।
“नेपालमा मातृभाषा पत्रकारिताको सम्बन्धमा एन. एफ. एन. जे. र एस. जे. एफ. सँग काम गर्न र सहकार्य गर्न संयुक्त राष्ट्र संघ सकारात्मक छ,” शर्माले भनिन् । उनले मातृभाषा संरक्षणका लागि एन. एफ. एन. जे. र एस. जे. एफ. ले गरेको पहलको पनि प्रशंसा गरेकी छन् ।
सार्क पत्रकार मञ्चका अध्यक्ष राजु लामाले सम्मेलनको उद्देश्य स्पष्ट पार्दै मातृभाषा पत्रकारिताको पहलमा संयुक्त राष्ट्र संघलाई सहयोग गर्न आग्रह पनि गरेका छन् ।
एन. एफ. एन. जे. का अध्यक्ष नृपेन्द्र लाल श्रेष्ठले १३ र १४ जुन २०२५ मा आयोजना गरेको दोस्रो अन्तर्राष्ट्रिय मातृभाषा पत्रकार सम्मेलनको घोषणापत्रलाई पनि समर्थन गर्न संयुक्त राष्ट्र संघलाई आग्रह गरेका छन्।
