-दीपेन्द्र प्रजापति/कालो झोला ।
बीरगंज, १९ असार । सशस्त्र प्रहरी बल नेपाल नं १३ गण मुख्यालय, पर्सा तथा मातहतका यूनिट हरु र बीरगंज भन्सार कार्यालय बाट खटिएको संयुक्त टोलीले बिहीबार बीरगंज महानगरपालिका वडा नं. ०१, छपकैया नदिया टोला बाट लाखौं मूल्य बराबरको विभिन्न किसिमका कपडाहरू बरामद गरेको छ ।
उक्त दिन विशेष सूचनाको आधारमा त्यहाँ बाट खटिएको संयुक्त टोलिहरुले नदिया टोलका विभिन्न व्यक्तिहरुका घरहरुमा भारत बाट भन्सार छली लुकाई छिपाई चोरी पैठारी गरी अवैध रुपमा ल्याई भण्डारण गरी राखेको अवस्थामा मुल्य रु. १८ लाख ५५ हजार ३ सय ५० बराबरको कपडाहरु नियन्त्रणमा लिई आवश्यक कारवाहीको लागि बीरगंज भन्सार कार्यालयमा बुझाएको कुरा सूचना अधिकारी सशस्त्र प्रहरी नायब उपरीक्षक देबेन्द्र बहादुर सिंहले बताएका छन् ।
