उदयपुर जिल्लाको उदयपुरगढी गाउँपालिका–७ अधेरी जोगी टोलमा सोमबार दिउँसो बस दुर्घटना भएको छ । कटारीबाट गाईघाटतर्फ आउँदै गरेको बा २ ख ६२५७ नम्बरको बस दुर्घटनामा परेको हो ।
प्रहरीका अनुसार बसको ब्रेक फेल भएपछि अनियन्त्रित भई सडकबाट करिब ३० देखि ४० फिट तल खसेर दुर्घटना भएको हो । दुर्घटनामा परी झन्डै एक दर्जन यात्रु घाइते भएका छन् ।
घटनाको विस्तृत विवरण आउन बाँकी रहेको प्रहरीले जनाएको छ। हाल घटनास्थलमा प्रहरी टोली खटिएर उद्धार तथा थप अनुसन्धान गरिरहेको छ।
