अमेरिकी राष्ट्रपति डोनाल्ड ट्रम्पले इरानसँग जारी युद्धका कारण आफ्नो चीन भ्रमण सार्ने योजना बनाएका छन् ।
ह्वाइट हाउसमा सञ्चारकर्मीसँग कुरा गर्दै उनले मार्च अन्त्यतिर हुने तय भएको भ्रमण करिब एक महिनाका लागि स्थगित गर्न अनुरोध गरिएको बताएका छन् । युद्धका कारण आफू देशमै रहन आवश्यक भएको उनको भनाइ छ ।
ट्रम्प र शी चिनफिङ बीचको भेट ३१ मार्चदेखि २ अप्रिलसम्मका लागि तय गरिएको थियो । यी दुई नेताबीच पछिल्लो प्रत्यक्ष भेट गत वर्ष अक्टोबरमा भएको थियो ।
इरानसँगको युद्धले ट्रम्पको विदेश नीतिका अन्य प्राथमिकतालाई पछाडि धकेलेको बताइएको छ । साथै द्वन्द्व चर्किँदै जाँदा विश्वव्यापी रूपमा तेल आपूर्तिमा असर परेको र अमेरिकामा इन्धन मूल्य बढ्ने जोखिम पनि देखिएको छ ।
