सुर्खेत । राप्रपा केन्द्रीय सदस्य रवि किरण हमालले देश गम्भीर संकटतर्फ उन्मुख भएको बेला राप्रपाले कर्णाली जागरण अभियान सञ्चालन गर्नुको महत्त्व अर्थपूर्ण रहेको दाबी गरेका छन् ।
उनले पश्चिम सुर्खेतको बाबियाचौरमा आयोजित जनसभालाई सम्बोधन गर्दै काठमाडौँको बन्द कोठाभित्र बसेर प्रधानमन्त्री चयन गर्ने परिपाटीको अन्त्य गर्दै प्रत्यक्ष निर्वाचित प्रधानमन्त्री प्रणालीमा जानुपर्नेमा सबै सहमत हुन आग्रह गरेका छन् ।
नेतृत्वको क्षमता र नियत, शासकीय स्वरूप र राप्रपा कमजोर भएका कारण देश बन्न नसकेको उनले बताएका छन् । पश्चिम सुर्खेतको बाटो नबनेको कारण कति किलो धुलो खानुभयो भन्दै किरणले प्रश्न समेत गरेका छन् । उनले काङ्ग्रेस उपसभापति पूर्ण बहादुर खड्कालाई बाटोको अवस्था कस्तो छ भन्ने कुरा ३० वर्ष लाग्छ भन्दै प्रश्न गरेका छन् ।
राप्रपाको नेतृत्वमा इमानदारिता र भिजन छ, अब देशलाई उन्नत राष्ट्र निर्माण गर्ने अभिभारा पूरा गर्न सबै जनतालाई साथ दिन उनले अपिल गरे।
