काठमाडौँ । दिनेश राउतले नयाँ फिल्म ‘कुमारी’ को घोषणा गरेका छन् । यस अघि ‘प्रसाद’, ‘पुजार सार्की’ जस्ता सामाजिक कथामा फिल्म बनाएका राउतले लभस्टोरी फिल्म ‘कुमारी’ बनाउने घोषणा गरेका हुन् ।
यस फिल्ममा अबिसेक खड्का र आकृति राजभण्डारीको मुख्य भूमिका रहनेछ । अबिसेकले यसअघि फिल्म ‘बेहुली फ्रम मेघौली’ मा अभिनय गरेका थिए । आकृति भने चर्चित गीत ‘बार्दली’ की मोडल हुन् ।
फिल्म ‘आइ एम सरी’बाट निर्देशकीय यात्रा सुरु गरेका निर्देशक राउत ‘नोभेम्बर रेन’ र ‘क्लासिक’ जस्ता सफल प्रेमकथामा आधारित फिल्म बनाएर स्थापित भएका थिए ।
