दीपेन्द्र प्रजापति/कालो झोला ।
बीरगंज, ०८ वैशाख । प्रहरी चौकी ईनर्वाले सोमबार बिहान करिब ०८:२० बजेको समयमा वीरगञ्ज महानगरपालिका वडा नं. १६ शंकराचार्य गेट स्थितमा प्रतिबन्धित लागु औषध गाँजा सहित चार जना भारतीयलाई आफ्नो नियन्त्रणमा लिएको छ ।
हिजो बिहान त्यहाँ बाट खटिएको नियमित चेकिङ टोलीले भारत बाट नेपाल तर्फ र नेपाल बाट भारत तर्फ आउने जाने पैदल यात्री तथा सवारी साधनहरू चेक जाँच गर्ने क्रममा वीरगञ्ज बाट रक्सौल तर्फ पैदल जाँदै गरेको व्यक्तिहरू संका लागि रोकी कानूनी रितपुऱ्याई खानतलासी गर्दा ति व्यक्तिहरुलाई गाँजा सहित नियन्त्रणमा लिएको हो ।
उनीहरूले आफ्नो शरिरको पेट तथा छातीको भागमा रातो रंगको प्लाष्टिकमा खैरो रंगको डोरीले बेरी लुकाइ छिपाइ राखिएको ६ किलो १८ ग्राम लागु औषध गाँजा फेला परेकोले बरामद लागु औषध सहित भारतको विहार राज्यको पश्चिम चम्पारण जिल्लाको वेतिया थाना नगर निगम वडा नं. ३३ बस्ने वर्ष ३५ को सफि अहम्द, उल्लेखित स्थान कै थाना मझमलिया ग्राम सरेसवर वडा नं.९ बस्ने वर्ष ३३ को विनय ठाकुर, थाना नौराङावाद वडा नं. ३३ बस्ने वर्ष ३० को मुकिम मियाँ र थाना मिनाबजार वडा नं. २५ बस्ने वर्ष २८ को महम्द एकवाललाई नियन्त्रणमा लिइ लागु औषध सम्बन्धि कसूरमा थप अनुसन्धान कार्य भइरहेको जिल्ला प्रहरी कार्यालय, पर्सा का सूचना अधिकारी प्रहरी नायब उपरीक्षक हरि बहादुर बस्नेत ले बताएका छन् ।
