दीपेन्द्र प्रजापति/कालो झोला ।बीरगंज, १४ कार्तिक । प्रहरी चौकी, गण्डक ले विशेष सूचनाको आधारमा मंगलबार राती करिव १०:३० बजेको समयमा वीरगञ्ज महानगरपालिका वडा नं. १४, गण्डक चोक बाट प्रतिवन्धित विभिन्न लागु औषध सहित दुई जना युवकलाई आफ्नो नियन्त्रणमा लिएको छ ।
उक्त राति त्यहाँ बाट खटिएको नियमित चेकिङ टोलीले वीरगञ्ज बाट काठमाण्डौं तर्फ जाँदै गरेका ना. ६ ख ७२२७ नम्बरको सार्वजनिक बसलाई रोकी चेक जाँच गर्दा बारा जिल्लाको महागढीमाई नगरपालिका वडा नं. ०७, तेलकुवा बस्ने बर्ष २० को द्वय ओम बाबु कुशवाहा र शैलेश यादव ले आफ्नो ब्यागमा लुकाइ छिपाई राखिएको प्रतिवन्धित लागु औषध नुरफिन, डाईजेपाम र फेनारगन गरि जम्मा २ हजार ९ सय ९६ एम्पुल फेला परेको हुँदा उल्लेखित लागु औषध सहित निजहरूलाई नियन्त्रणमा लिइ जिल्ला प्रहरी कार्यालय, पर्सा मा ल्याइ निजहरू विरुद्ध लागु औषध सम्बन्धी कसूरमा बुधबार पर्सा जिल्ला अदालत बाट पाँच दिनको म्याद थप अनुमति लिइ थप अनुसन्धान कार्य भैरहेको कुरा सूचना अधिकारी प्रहरी नायब उपरीक्षक दीपक भारति ले बताएका छन् ।
