दीपेन्द्र प्रजापति/कालो झोला ।
बीरगंज, २७ श्रावण । अस्थायी प्रहरी पोष्ट, इनर्वा गाउँले शुक्रबार दिउँसो करिब ०३:३० बजेको समयमा बिरगंज महानगरपालिका वडा नं. १६, ईनर्वा गाँउ स्थित सडक खण्ड बाट प्रतिवन्धित लागु औषध Nitravet-10 सहित एक युवा सहित एक युवतीलाई समेत आफ्नो नियन्त्रणमा लिएको छ ।
उक्त दिन त्यहाँ बाट खटिएको चेकिङ टोलीले भारतको रक्सौल बाट नेपाल तर्फ शंकाष्पद रूपमा पैदल आउँदै गरेका बारा जिल्लाको कोल्बी नगरपालिका वडा नं.०७ बस्ने बर्ष २१ को अनिल पौडेल तथा सोही ठाउँ बस्ने बर्ष २० की प्रेरणा पौडेल लाई रोकी कानूनी रीतपुर्याई खानतलासी गर्दा निजहरूले बोकेको कालो जेब्रा झोला भित्र Nitravet-10 लेखिएको २ सय ९४ पिस ट्याब्लेट्स फेला परेको हुँदा निजहरूलाई जिल्ला प्रहरी कार्यालय, पर्सा मा ल्याइ निजहरू विरुद्ध लागु औषध सम्बन्धी कसूरमा थप अनुसन्धान कार्य भैरहेको कुरा आज सूचना अधिकारी प्रहरी नायब उपरीक्षक दीपक भारति ले बताएका छन् ।
