प्रत्यक्षतर्फ शानदार मत पाएको राष्ट्रिय स्वतन्त्र पार्टी (रास्वपा) ले समानुपातिक तर्फ पनि उल्लेख्य मत पाउने देखिएको छ ।
समानुपातिकतर्फको मत गणनाको अपडेट अनुसार अहिलेसम्म एक करोड ४ लाख १९ हजार २३४ मत गणना भएको छ ।
जसमा रास्वपाले ५० लाख मत कटाएको छ । रास्वपाले ५० लाख ५२ मत प्राप्त गरेको छ । जुन गणना भएको मतको ४८ प्रतिशत रहेको छ । त्यस्तै नेपाली कांग्रेसले १६ लाख ९२ हजार ७८६ मत अर्थात १६.२ प्रतिशत मत प्राप्त गरेको छ । त्यस्तै तेस्रो नम्बरमा एमाले देखिएको छ । एमालेले १४ लाख ११ हजार ४२९ अर्थात् १३.५ प्रतिशत मत प्राप्त गरेको छ । नेपाली कम्युनिष्ट पार्टीले ७ लाख ६६ हजार ८७५ मत प्राप्त गरेको छ ।
त्यस्तै श्रम संस्कृति पार्टीले ३ लाख ५८ हजार ४१५ मत अर्थात ३.४ प्रतिशत मत पाएको छ । त्यस्तै राप्रपाले ३ लाख २४ हजार ८८१ मत अर्थात् ३.१ प्रतिशत मत पाएको छ ।
त्यसैगरी समानुपातिक तर्फ कुल खसेको मत एक करोड ९ लाख ७७ हजार ७११ रहेको छ ।
