दीपेन्द्र प्रजापति/कालो झोला ।
बीरगंज, ११ भाद्र । सशस्त्र प्रहरी बल नेपाल नं. १३ गण मुख्यालय, पर्सा, सशस्त्र प्रहरी बल नेपाल प्रस्तावित सीमा सुरक्षा गुल्म, बीरगंज तथा बीरगंज भन्सार कार्यालय बाट खटिएको संयुक्त टोलीले बुधबार वीरगंज महानगरपालिका वडा नं. १०, अशोक बाटिका स्थित सिता थापाको घरमा भारत बाट अबैध रुपमा भन्सार छली गरी ल्याई भण्डारण गरी राखेको कपडा र सोही स्थानमा BR २२ S 0701 नम्बरको भारतीय मोटरसाईकल मा लोड गरी नेपाल तर्फ ल्याउँदै गरेको लाखौं मूल्य बराबरको विभिन्न सामानहरु बरामद गरेको छ ।
उक्त दिन भन्सार मुल्य रु. १७ लाख ८५ हजार ७ हजार ३६ बराबरको Afzal Double Apple हुक्का Flavour, कपडा र किराना सामानहरु तथा उक्त कार्यमा प्रयोग गरिएको मोटरसाईकल को रु. १ लाख ४० हजार मुल्याङ्कन गरी आवश्यक कारवाहिको लागी बीरगंज भन्सार कार्यालयमा बट्झाएको कुरा सूचना अधिकारी सशस्त्र प्रहरी नायब उपरीक्षक सुरज कार्कीले बताएका छन् ।
