आज दिउँसो १ बजेका लागि बोलाइएको प्रतिनिधिसभाको बैठक प्रधानमन्त्री शेरबहादुर देउवाले सभामुख अग्निप्रसाद सापकोटालाई आग्रह गरेपछि भोलि दिउँसो १ बजेसम्मका लागि स्थगित भएको हो । नेपालले संयुक्त राज्य अमेरिकासँग गरेको मिलेनियम च्यालेन्ज कर्पोरेशन कम्प्याक्टलाई संसदबाट अनुमोदन गराउने प्रक्रियामा प्रमुख प्रतिपक्षी दल नेकपा एमालेलाई समेट्नका लागि देउवाले संसद बैठक स्थगित गर्न माग गरेका हुन् ।अन्य दलका नेताहरुसँगै आएका देउवाले आज नेकपा एमालेका अध्यक्ष केपी शर्मा ओलीलगायत एमालेका शीर्ष नेताहरुसँग दुईपटक वार्ता गरेका छन् । दुवै अवसरमा देउवा र ओलीले वान वान भेट समेत गरेका थिए । एमाले नेताहरुसँग प्रधानमन्त्रीको साँझ भेटवार्तापछि सञ्चार तथा सूचना प्रविधिमन्त्री ज्ञानेन्द्रबहादुर कार्कीले सञ्चारकर्मीसँग कुरा गर्दै प्रधानमन्त्रीले एमसीसी सम्झौता पास गराउन एमालेसँग सहयोग मागेको तर एमाले आफ्ना मागमा अडिग रहेको बताए ।सभामुख अग्निप्रसाद सापकोटाको राजिनामा वा माधवकुमार नेपालसहित १४ सांसदलाई निष्कासनको माग गर्दै आएको छ ।एक प्रश्नको जवाफमा कार्कीले सभामुखले एमसीसी सम्झौता अनुमोदन गर्ने निर्णय गर्न सभामुखले शिर गणना वा हस्ताक्षर गणना गर्न आदेश दिन नहुने बताए । भ्वाईस मतदानमा भर पर्नु पर्छ। कार्कीले सरकारको प्रस्तावलाई हेड गन्ती वा हस्ताक्षर गणनाका आधारमा निर्णय गर्ने हो भने कुनै पनि सरकारले प्रस्ताव पारित गर्न नसक्ने बताए। उनले सन १९९० पछिका सरकारका सबै प्रस्ताव आवाजबाट पारित भएको बताए ।
