७ फागुन, काठमाडौं । अपराध गरेर सम्पत्ति जोडेको र त्यसको व्यवस्थापन गरेको आरोपमा सम्पत्ति शुद्धीकरण अनुसन्धान विभागले विवादास्पद रामबहादुर बम्जनविरुद्ध सम्पत्ति शुद्धीकरणको अभियोगमा मुद्दा दायर गरेको छ ।
विभागको अनुसन्धान प्रतिवेदनका आधारमा जिल्ला सरकारी वकिलको कार्यालय, सर्लाहीले जिल्ला अदालतमा मुद्दा दायर गरेको हो । आरोपपत्रमा बम्जनमाथि आठ करोड २७ लाख रुपैयाँ गैरकानुनी रुपमा आर्जन गरेको उल्लेख छ ।
बारा रतनपुरीका ३४ वर्षीय बम्जनमाथि बाल यौन शोषण र व्यक्तिलाई बेपत्ता पारेको अभियोग छ ।
सोहि अभियोगको अनुसन्धानका क्रममा उनी २४ पुस, २०८० मा पक्राउ परेका थिए । १४ भदौ २०८१ मा जिल्ला अदालत सर्लाहीले उनीमाथि बाल यौन दुराचारको आरोपमा १० वर्ष कैद र ५ लाख जरिवानाको फैसला गरेको थियो ।
उनीमाथि सिन्धुपाल्चोक र नुवाकोटस्थित आश्रमबाट पनि व्यक्ति बेपत्ता पारेको आरोप छ तर उक्त आरोपमा दुवै जिल्ला अदालतले उनलाई सफाइ दिएको छ भने
उनी पक्राउ परेपछि प्रहरीले काठमाडौं बुढानिलकण्ठस्थित निवासमा छापा मारेर नगद तथा अरु सामग्री बरामद गरेको थियो ।
