काठमाडौँ । यस बर्षको बहुप्रतिक्षित फिल्म मध्ये एक सन्तोष सेनको निर्माण तथा निर्देशनमा बनेको फिल्म ‘बलिदान’ को ट्रेलर सार्वजनिक गरिएको छ ।
शुक्रबार संविधान दिवसको अवसर पारेर सार्बजनिक ट्रेलरमा फिल्मको मुख्य कथा देखाइएको छ । एक छोराले आमा र देशको रक्षाका लागि गरेको संघर्षमा फिल्म बनाइएको ट्रेलरबाट बुझ्न सकिन्छ ।
१२ गाउँ फेम अभिनेता समीर भट्टसहित फिल्ममा अर्पण थापा, सौगात मल्ल, सन्तोष सेन र महेन्द्र बुढाथोकीको प्रमुख अभिनय रहेको छ । फिल्ममा अभिनेत्री ऋचा शर्मा भने समीरकी आमाको भूमिकामा देखिएकी छन् ।
आसुसेन फिल्म्सको ब्यानरमा निर्माण भएको ‘बलिदान’मा प्रेम पुरी, कविता राय, कामेश्वर चौरासिया, जीवन बराल, प्रजल दुलाल लगायतको पनि अभिनय रहेको छ । यो फिल्मका निर्माता पवन ब्राडफोर्ड बिस्ट र कार्यकारी निर्माता प्रेम पुरी हुन् ।
ट्रेलर- https://youtu.be/ZtZSSgDDXrk
