श्रम संस्कृति पार्टीले प्रतिनिधिसभा निर्वाचनमा समानुपातिक सांसद छानेको छ । राष्ट्रिय पार्टी बनेको श्रम संस्कृति पार्टीले समानुपातिकमा ३ लाख ८५ हजार ९०२ मत प्राप्त गरेपछि चार सांसद पाउने भएको छ ।
जस अनुसार पार्टीले आदिवासीबाट पूर्ण लिम्बू, खस आर्य महिलाबाट अम्बिका देवी सङ्ग्रौला, दलितबाट राधिका रम्तेल र मधेसीबाट रुबी कुमारी ठाकुरको नाम छ्नौट गरेको हो ।
यसअघि शनिबार पार्टी कोषाध्यक्ष समिता राईले समानुपातिक सांसद छानेको भन्दै दिएको सूचना गलत देखिएको छ । शनिबार साँझ नै अध्यक्ष हर्क साम्पाङले आधिकारीक निर्णय गर्न बाँकी रहेको बताएका थिए ।
श्रम संस्कृतिले प्रत्यक्षतर्फ भने ३ सिट जितेको छ । खोटाङ, भोजपुर र सुनसरी १ मा प्रत्यक्ष तर्फ जित हासिल गरेको थियो ।
प्रहिलो पटक चुनाव लडेको श्रम संस्कृति पार्टीले प्रतिनिधि सभामा ७ सांसदसहित आफ्नो उपस्थिति जनाएको छ ।
