दीपेन्द्र प्रजापति/कालो झोला ।
बीरगंज, १५ चैत । आफ्नै श्रीमतीको खुट्टा काटी फरार रहेका सहनीलाई पर्सा प्रहरीले पक्राउ गर्न सफल भएको छ ।
पर्सा जिल्लाको पर्सा गढी नगरपालिका वडा नं. ०३, बिरुवा टोल बस्ने बर्ष ३० को विश्वनाथ सहनीले चैत ०१ गते विहान करिब ०८:३० बजेको समयमा आफ्नै श्रीमती अंदाजी वर्ष २५ की हरिकला देवी सहनीलाई घरायसी वाद-विवादका कारण योजना बनाई क्रुर अमानवीय तवरले धारिलो हतियार ( दाउ ) प्रहार गरि श्रीमतीको वाँया खुट्टा काटी गम्भिर घाइते बनाइ रग्तामै अवस्थामा छाडी भागी फरार रहेका थिए ।
घटना पछि सूचना प्राप्त हुना साथ तत्कालै इलाका प्रहरी कार्यालय, पटेर्वासुगौली तथा स्थानीयहरूको सहयोगमा घाइतेलाई उपचारको लागि एल.एस.न्यूरो एण्ड जेनेरल हस्पिटल प्रा. लि. परवानीपुर बारामा पठाइएको छ ।
सो घटना सम्बन्धमा प्रारम्भिक अनुसन्धान गर्दै जाँदा वारदात पश्चात् फरार रहेका विश्वनाथ भन्ने विश्वनाथ सहनीलाई घटनाको १४ दिन भित्रै अर्थात् हिजो दिउँसो करिब १२:३० बजेको समयमा उल्लेखित स्थान बाटै जिल्ला प्रहरी कार्यालय, पर्सा बाट खटिएको विशेष टोली तथा मातहतका प्रहरी चौकी, बडनिहार बाट खटिएको संयुक्त टोलीले पक्राउ गरी निजलाई ज्यान मार्ने उद्योग तथा कुटपिट, अंगभंग सम्बन्धि कसूरमा थप अनुसन्धान कार्य भइरहेको कुरा सूचना अधिकारी प्रहरी नायब उपरीक्षक हरि बहादुर बस्नेत ले बताएका छन् ।
