बागमती प्रदेशसभाको अधिवेशन आह्वान

 बागमती प्रदेशसभाको अधिवेशन आह्वान गरिएको छ । प्रदेश प्रमुख दीपकप्रसाद देवकोटाले बागमती प्रदेशको प्रदेशसभाको १७औँ अधिवेशन आह्वान गरेका हुन् ।

प्रदेश प्रमुख देवकोटाले प्रदेश मन्त्रिपरिषद्को सिफारिसमा नेपालको संविधानको धारा १८३ को उपधारा (१) बमोजिम वाग्मती प्रदेशसभाको बैठक यही चैत २४ गते दिउँसो ३ बजे बस्ने गरी आह्वान गरिएको प्रदेश प्रमुखको कार्यालयले जनाएको छ ।