राजस्थान रोयल्सले जारी आइपिएल अन्तर्गतको खेलमा मुम्बई इण्डियन्सलाई पराजित गरेको छ । गएराती सम्पन्न खेलमा राजस्थानले मुम्बईलाई २७ रनले पराजित गरेको हो ।
बर्षाका काराण ११-११ ओभरमा खेलाइएको खेलमा राजस्थानले दिएको १५१ रनको लक्ष्य पछाएको मुम्बईले ११ ओभरमा ९ विकेट गुमाएर १२३ रन मात्र बनाएको थियो । मुम्बईका लागि नमन धिर र शेरफान रुथरफोर्डले २५-२५ रन बनाएका थिए भने तिलक बर्माले १४ रन बनाएका थिए । त्यस्तै राजस्थानका बलर रवि विश्नोई, सन्दीप शर्मा र नान्द्रे बर्गरले २-२ विकेट लिएका थिए ।
यसअघि टस हारेर पहिला ब्याटिंग गरेको राजस्थानले ११ ओभरमा ३ विकेट गुमाएर १५० रन बनाएको थियो । राजस्थानका लागि यशस्वी जैसवालले सर्बाधिक ७७ रन बनाए भने वैभव सूर्यवंशीले ३९ रन बनाए । त्यस्तै कप्तान रियान परागले २० रन बनाएका थिए ।
यो जितपछि राजस्थान ३ खेलमा ६ अंकसहित शिर्ष स्थानमा उक्लिएको छ । त्यस्तै मुम्बईको भने ३ खेलमा २ अंक रहेको छ ।
