दीपेन्द्र प्रजापति/कालो झोला ।
बीरगंज, २४ जेठ । जिल्ला प्रहरी कार्यालय, पर्सा ले विशेष सूचनाको आधारमा आज बिहान करिब ०७:०० बजेको समयमा कर्तव्य ज्यान मुद्दा का एक जना फरार प्रतिवादीलाई आफ्नो नियन्त्रणमा लिएको छ ।पर्सा
प्रहरीका प्रवक्ता प्रहरी नायब उपरीक्षक हरि बहादुर बस्नेत का अनुसार २५ वर्ष पहिले अर्थात् मिति २०५८ साल फागुन २६ गते बिहान करिब ०८:०० बजेको समयमा पर्सा जिल्लाको साविक धोरे वडा नं. ०८ हाल परिवर्तित पकाहा मैनपुर गाउँपालिका वडा नं. ०१ बस्ने वर्ष २६ की रावडी भन्ने रीना देवीलाई घरायसी वाद-विवादका कारण घाँटी थिची कर्तव्य गरी मारी वारदात पश्चात् प्रतिवाद हाल सम्म फरार रहेको थियो ।
फरार प्रतिवादीलाई त्यहाँ बाट खटिएको प्रहरी टोलीले पर्सा जिल्ला कै साविक गा.वि.स. धोरे वडा नं. ०८ हाल पकाहामैनपुर गाउँपालिका वडा नं. ०१ बस्ने वर्ष ५० को काशी महतो चाई भन्ने काशी प्रसाद चौहानलाई आफ्नै घर ठेगानामा लुकिछिपि बस्दै आएको स्थान बाट आईतबार पक्राउ गरी कर्तव्य ज्यान सम्बन्धि कसूर मुद्दामा पर्सा जिल्ला अदालत बाट तीन दिनको म्याद थप अनुमति लिइ अनुसन्धान कार्य भइरहेको छ ।
