दीपेन्द्र प्रजापति/कालो झोला ।
काठमाडौं, २७ जेष्ठ । दोस्रो अन्तर्राष्ट्रिय मातृभाषा सम्बन्धि अन्तरक्रिया कार्यक्रम तथा अन्तरास्ट्रिय पत्रकार सम्मेलन २०२५ जुन १३ र १४, शुक्रबार र शनिबार दुई दिन नेपालको राजधानी काठमाडौँमा आयोजना हुने भएको छ ।
सार्क पत्रकार मञ्च र नेपालका नेवा : पत्रकारहरूको लागि राष्ट्रिय मञ्चले संयुक्त रूपमा १३ र १४ जुन २०२५ अर्थात् यही जेष्ठ ३० र३१ गते मा नेपालको राजधानी काठमाडौँमा अन्तर्राष्ट्रिय मातृभाषा पत्रकार सम्मेलन आयोजना गर्दै छन् ।
सम्मेलनको आयोजना गरिरहेका एन. एफ. एन. जे. का अध्यक्ष नृपेन्द्रलाल श्रेष्ठले सम्मेलनको सबै तयारी गम्भीरतापूर्वक भइरहेको र काठमाडौंमा सम्मेलन आयोजना गर्ने गरी पूरा भएको बताएका छन् ।
सार्क पत्रकार मञ्चका अध्यक्ष राजु लामाले दोस्रो अन्तर्राष्ट्रिय मातृभाषा पत्रकार सम्मेलनले मातृभाषा पत्रकारिताको संरक्षणमा महत्वपूर्ण भूमिका खेल्ने र दक्षिण एसियामा सकारात्मक प्रभाव पार्ने बताए ।
सम्मेलनमा दक्षिण एसियाका १ सय भन्दा बढी पत्रकारहरूले भाग लिने छन् र मातृ भाषा पत्रकारिताका चुनौती, अवसर र सम्भावनाहरूका बारेमा विस्तृत रूपमा छलफल गर्ने छन् ।
सार्क पत्रकार मञ्चले दक्षिण एसियाली देशहरूमा विभिन्न अन्तर्राष्ट्रिय मुद्दाहरूमा अन्तर्राष्ट्रिय सम्मेलनहरू आयोजना गर्दै आएको कुरा ध्यान दिनु पर्छ ।
यस संस्थाले विगत दुई वर्षमा दशवटा अन्तर्राष्ट्रिय सम्मेलन आयोजना गरिसकेको छ । एसजेएफ अन्तर्राष्ट्रिय सम्मेलन गत अप्रिलमा भारतको राजस्थानमा आयोजना गरिएको थियो ।
