दीपेन्द्र प्रजापति/कालो झोला ।
बीरगंज, ०७ कार्तिक । जिल्ला प्रहरी कार्यालय, पर्सा ले विशेष सूचनाको आधारमा मंगलबार राती करिव १०:१५ बजेको समयमा वीरगञ्ज महानगरपालिका वडा नं.०८ स्थित घण्टाघर चोक बाट करोडौंको लता कपडा लोड रहेको एउटा मालवाहक ट्रकलाई आफ्नो नियन्त्रणमा लिएको छ ।
उक्त राति त्यहाँ बाट खटिएको प्रहरी टोलीले बीरगंज बाट कास्की तर्फ लैजाँदै गरेको ना. ३ ख ५१८७ नम्बरको मालबाहक ट्रकलाई रोकी चेक जाँच गर्दा साथमा रहेको विल विजक भन्दा बढीका लत्ताकपडा तथा औषधीहरु लोड गरी लैजाँदै गरेको अवस्था बाट उल्लेखित नम्बरको मालबाहक ट्रक नियन्त्रणमा लिइ अंदाजी मूल्य रू.१ करोड १४ लाख ५१ हजार ८ सय ३३ बराबरको लत्ताकपडा तथा औषधीहरु थप अनुसन्धान तथा आवश्यक कारवाहीको लागि बुधबार राजस्व अनुसन्धान कार्यालय, पथलैया, बारामा बुझाइएको कुरा सूचना अधिकारी प्रहरी नायब उपरीक्षक दीपक भारति ले बताएका छन् ।
