दीपेन्द्र प्रजापति/कालो झोला ।
बीरगंज, ०६ भाद्र । जिल्ला प्रहरी कार्यालय, पर्सा ले विशेष सूचनाको आधारमा बिहीबार दिउँसो करिव ०४:२० बजेको समयमा वीरगञ्ज महानगरपालिका वडा नं. ०२, घुसुकपुर इदगाह चोक सडक खण्ड बाट हुँडीको लाखौं रुपैंया सहित दुई जना मानिस र दुइ वटा मोटरसाइकल आफ्नो नियन्त्रणमा लिएको छ ।
उक्त दिन त्यहाँ बाट खटिएको प्रहरी टोलीले उल्लेखित स्थान बाट भारतिय नंवर प्लेट BR 05 AB 7761 र प्रदेश २-०३-००२ प ५५४४ नम्बरका मोटरसाइकलहरूलाई रोकी उक्त मोटरसाइकलहरूमा सवार वीरगञ्ज महानगरपालिका वडा नं. ०२, घुसुकपुर बस्ने वर्ष ३९ को संजय कुमार साह र बारा जिल्लाको महागढीमाइ नगरपालिका वडा नं. ०४, बगडमपुर बस्ने वर्ष ४१ को शनि कुमार ठाकुरलाई रोकी कानूनी रितपुर्याइ खानतलासी गर्दा निजहरूले चलाइ ल्याएको मोटरसाईकलहरु मा फल्स सिलिङ बनाइ लुकाइ राखेको अवस्थामा श्रोत नखुलेको लाखौं रुपैंया बरामद भएको छ ।
उनीहरूको साथ बाट नेपाली रू.१ हजार दरका नोट १ हजार थान रू. १० लाख र रु. ५ सय दरका नोट ८ सय २७ थान रु. ४ लाख १३ हजार ५ सय गरी जम्मा रु.१४ लाख १३ हजार ५ सय फेला पारी बरामद गरी निजहरूलाई नियन्त्रणमा लिइ निजहरू विरुद्ध मुलुकी अपराध संहिता, २०७४ को दफा १२५ को (क) बमोजिम (हुण्डी सम्बन्धी कारोबार गर्न नहुने) कसूरमा पर्सा जिल्ला अदालत बाट पाँच दिनको म्याद लिइ थप अनुसन्धान कार्य भइरहेको कुरा जिल्ला प्रहरी कार्यालय, पर्सा का सूचना अधिकारी प्रहरी नायब उपरीक्षक सुवास भट्ट ले बताएका छन् ।
