दीपेन्द्र प्रजापति/कालो झोला ।
बीरगंज, २७ कार्तिक । जिल्ला प्रहरी कार्यालय, पर्सा तथा वडा प्रहरी कार्यालय, बिर्ता बाट खटिएको संयुक्त प्रहरी टोलीले विशेष सूचनाको आधारमा सोमबार दिउँसो करिब ०४:०० बजेको समयमा वीरगञ्ज महानगरपालिका वडा नं. १६ स्थित ईनर्वा भन्सार वरि परी रहेका होटलहरू बाट अनैतिक क्रियाकलाप गर्ने १२ जना महिला-पुरुषहरुलाई आफ्नो नियन्त्रणमा लिएको छ ।
उक्त दिन उल्लेखित स्थानमा बेश्यावृत्ति भैरहेको भन्ने सूचना प्राप्त हुना साथ संयुक्त प्रहरी टोली खटि गइ वीरगञ्ज महानगरपालिका वडा नं.१६ का विभिन्न स्थानहरूबाट अनैतिक क्रियाकलापमा सलंग्न ७ जना महिला तथा ५ जना पुरुषहरूलाई नियन्त्रणमा लिइ यस कार्यालयमा ल्याई थप अनुसन्धान कार्य भैरहेको कुरा सूचना अधिकारी प्रहरी नायब उपरीक्षक दीपक भारति ले मंगलबार बताएका छन् ।
