दीपेन्द्र प्रजापति/कालो झोला ।
बीरगंज, १८ असार । जिल्ला प्रहरी कार्यालय, पर्सा ले विशेष सूचनाको आधारमा सोमबार दिउँसो करिब १२:३० बजेको समयमा वीरगञ्ज महानगरपालिका वडा नं.१५, भिष्वा बाट मानव बेच बिखन तथा ओसारपसार कार्यमा संलग्न एक जना मानिसलाई आफ्नो नियन्त्रणमा लिएको छ ।
भारत बाट आएका नामथर परिवर्तित ३४ जिल्ला २०८१/०८२ भारत (१) र निजकै बहिनी ३४ जिल्ला २०८१/०८२ भारत (६) पीडितलाई वीरगञ्जमा खाना लगाउन तथा पैसा दिने भनी विभिन्न प्रलोभन देखाइ विभिन्न होटल तथा लजहरूमा बेश्यावृत्ति कार्य गराइ बेश्यावृत्ति बाट आएका रकम आफुले राख्ने गरेको भन्ने सूचना प्राप्त हुना साथ तत्कालै पीडितहरूलाई सकुशल उद्दार गरिएको छ ।
त्यस्तै निजहरूलाई बेश्यावृत्ति गर्न बाध्य बनाउने कार्यमा संलग्न बारा जिल्लाको कलैया उप-महानगरपालिका वडा न. १२ बस्ने वर्ष २९ को पवन कुमार साहलाई नियन्त्रणमा लिइ यस कार्यालयमा ल्याइ निज विरुद्द मानव बेचबिखन तथा ओसार पसार सम्बन्धी कसूरमा पर्सा जिल्ला अदालत बाट पाँच दिनको म्याद थप अनुमति लिइ थप अनुसन्धान कार्य भइरहेको कुरा सूचना अधिकारी प्रहरी नायब उपरीक्षक किशोर लम्साल ले बताएका छन् ।
