दीपेन्द्र प्रजापति/कालो झोला ।
बीरगंज, ०४ फागुन । जिल्ला प्रहरी कार्यालय, पर्सा ले विशेष सूचनाको आधारमा आज दिउँसो करिब १२:३० बजेको समयमा बीरगंज महानगरपालिका वडा नं. ०८, लिंक रोड बाट श्रोत नखुलेको रु. १० लाख सहित एक जना भारतियलाई आफ्नो नियन्त्रणमा लिएको छ ।
पक्राउ पर्नेमा भारतको विहार राज्य, जिल्ला मोतीहारी, अन्तर्गत पर्ने रक्सौल नगरपंचायत वडा नं. १७ बस्ने वर्ष २२ को नेहाल कुमार रहेका छन् ।
निजलाई त्यहाँ बाट खटिएको प्रहरी टोलीले शंका लागि चेक जाँच गर्दा निजले भिरेको कालो रंगको ब्यागभित्र लुकाइ छिपाई राखिएको नेपाली रू. १ हजार दरका नोट ७ सय थान गरी जम्मा रु. ७ लाख तथा रू. ५ सय दरका नोट ६ सय थान गरि जम्मा रू. ३ लाख गरी कुल जम्मा रू. १० लाख फेला पारी रित पुर्वक बरामद गरी निज नेहाल कुमारलाई नियन्त्रणमा लिई मुलुकी अपराध संहिता, २०७४ को दफा १२५ को (क) बमोजिम ( हुण्डी सम्बन्धी कारोबार गर्न नहुने ) कसूरमा थप अनुसन्धान कार्य भईरहेको कुरा सूचना अधिकारी प्रहरी नायब उपरीक्षक सुवास भट्ट ले बताएका छन् ।
