काठमाडौँ । बलिवुडमा ऋतिक रोशन र जूनियर एनटीआरको वार- २ र सुपरस्टार रजनीकान्तको कुलीको बक्स अफिस भिडन्त लगभग सकिएको छ ।
फिल्म रिलिजको १७ दिन सकिदा भारतीय बक्स अफिसमा वार-२ लाई कुलीले पछि पारेको छ । यस बक्स अफिस भिडन्तलाई ऋतिक रोशन र रजनीकान्तको भिडन्तको रुपमा समेत हेरिएको थियो ।
तर अब बक्स अफिसको भिडन्त लगभग सकिदा वार-२ ले भारतभर १७ दिनमा २३३ करोड कमाई गरेको छ । करिब ४०० करोडमा बनेको यो फिल्मले २३३ करोड कमाई गरेपनि फिल्मले नाफा आर्जन भने गर्न सकेको छैन । वार-२ ले भात बाहिर करिब ८० करोड भारु कमाई गरेको छ, जुन जोड्दा समेत फिल्मले लगानी उठाउन नसकेको देखिएको छ ।
त्यस्तै कुलीले १७ दिनमा भारतभर २७५.८५ करोड कमाई गरेको छ । यो फिल्मले विश्वभरको बक्स अफिसमा ५ सय करोडभन्दा बढी कमाएको छ । यस अर्थमा करिब ४०० करोडको बजेटमा बनेको कुली नाफामा गएको छ ।
