काठमाडौँ । पद्मश्री साहित्य पुरस्कारका लागि पहिलो चरणमा १५ पुस्तक छनोट गरिएको छ ।
खेमलाल हरिकला लामिछाने समाज कल्याण प्रतिष्ठानका अनुसार २०८१ सालमा प्रकाशित २०३ वटा साहित्यिक पुस्तक प्रतिष्ठानमा प्राप्त भएकोमा पहिलो चरणमा १५ पुस्तकलाई प्रारम्भिक सूचीमा छनौट गरिएको हो ।
सूचीमा परेका १५ पुस्तकमध्येबाट ५ वटा कृतिलाई आगामी महिना उत्कृष्ट संक्षिप्त सूची चयन गर्ने खेमलाल हरिकला लामिछाने प्रतिष्ठानका अध्यक्ष जीवा लामिछानेले जानकारी दिएका छन् ।
प्रारम्भिक सूचीका परेका १५ पुस्तक
१- शैलेन्द्र अधिकारीको उपन्यास अर्हत
२- छुदेन काविमोको आख्यान उरमाल
३- रमेश क्षितिजको कथा संग्रह एउटा मायी नगरमा
४- रमेश भुसालको गैरआख्यान छालबाटो
५- भवानी खतिवडाको नियात्रा प्रणाम सगरमाथा
६- पंचम अधिकारीको आख्यान प्रवासीको देश हुन्न
७- दिनेश अधिकारीको कविता पानीको परेड
८- श्रेयज सुवेदीको कथासंग्रह बहुरुपी
९- टंक चौलागाईको उपन्यास रुदाने
१०- सरस्वती प्रतीक्षाको उपन्यास स्व
११- हेम प्रभासको कविता साँझमा सेल्फी
१२- डा. श्रीधर खनालको उपन्यास सावर्णि
१३- बसन्त बस्नेतको आख्यान सिमसारा
१४- हेमन्त मिश्रको संस्मरण श्री ५ को सेवामा
१५- तीर्थ गुरुङको उपन्यास हिउँको गीत
खेमलाल हरिकला लामिछाने समाज कल्याण प्रतिष्ठानले हरेक बर्ष पद्माश्री साहित्य पुरस्कार, पद्माश्री साधना सम्मान र पद्माश्री गौरव पुरस्कार गरी तीन विधामा साहित्य पुरस्कार प्रदान गर्ने गर्दछ । हरेक पुरस्कारको राशी तीन लाख नगद र सम्मान पत्र रहेको छ ।
