रोल्पामा टाटा सुमो दुर्घटना हुदा एक जनाको मृत्यु भएको छ बहने १२ जना घाइते भएका छन् ।
प्रहरीका अनुसार शहिद मार्ग अन्तर्गत रुन्टीगढी गाउँपालिका–५ खुम्बास, रोल्पामा लु १ ज ४८५४ नम्बरको टाटा सुमो जीप दुर्घटना हुँदा एक जनाको घटनास्थलमै मृत्यु भएको हो ।
प्रहरीले दुर्घटनामा रोल्पाको परिवर्तन-६ की २४ वर्षीया विष्णुमाया बुढा मगरको मृत्यु भएको जनाएको छ ।
दुर्घटनामा घाइते भएका १२ जनालाई उपचारका लागि दाङस्थित राप्ती स्वास्थ्य विज्ञान प्रतिष्ठानमा पठाइएको प्रहरीले जनाएको छ । जिपमा १४ जना सवार रहेका थिए ।
