चीनका विदेशमन्त्री वाङ यीले अमेरिका र इजरायललाई इरानविरुद्ध चलाइरहेको सैनिक अभियान तत्काल रोक्न आग्रह गरेका छन् । उनले यस्तो युद्ध कहिल्यै हुन नहुने भन्दै सम्बन्धित पक्षलाई तत्काल संघर्ष अन्त्य गरेर वार्ताको बाटोमा फर्किन अपिल गरेका हुन् ।
बेइजिङमा आयोजित पत्रकार सम्मेलनमा बोल्दै वाङ यीले बल प्रयोग गरेर अहिलेको संकट समाधान हुन नसक्ने बताएका छन् । उनका अनुसार कुनै पनि समस्या केवल सैनिक कारबाहीबाट समाधान हुन सक्दैन ।
उनले विश्व फेरि ‘जंगलको कानुन’ तर्फ फर्किन नहुने चेतावनी पनि दिएका छन् । साथै, ईरानमा सरकार परिवर्तनको मागलाई त्यहाँका जनताबाट व्यापक समर्थन प्राप्त भएको जस्तो आफूलाई नलागेको पनि उनले बताएका छन् ।
चीनले आफ्नो धारणा दोहोर्याउँदै अहिलेको संकटको समाधान युद्धबाट होइन, कूटनीतिक वार्तामार्फत निकाल्नुपर्नेमा जोड दिएको छ ।
