दीपेन्द्र प्रजापति/कालो झोला ।
बीरगंज, १२ जेठ । भारत सरकार ले नेपाल सरकार लाई कैदीहरुको लागि १० वटा ट्रक उपहार स्वरुप प्रदान गरेको छ ।
मंगलबार बीरगंजमा आयोजित एक कार्यक्रममा बीरगंज स्थित रहेको भारतीय महावाणिज्य दूतावास का महावाणिज्यदूत देवी सहाय मीनाले, पर्सा जिल्लाको प्रमुख जिल्ला अधिकारी भोला दाहाललाई दशवटा कैदी बोक्ने ट्रकहरू औपचारिक रूपमा हस्तान्तरण गर्नु भएको छ ।
जुन भारत सरकार द्वारा प्रदान गरिएको आपूर्तिको एक हिस्सा हो जसले कानून परिवर्तन सँग सम्बन्धित नेपालको क्षमता अभिवृद्धि गर्न मद्दत गरेको छ ।
सोही क्रममा मन्तव्य दिदै प्रजिअ दाहालले भारतीय पक्ष द्वारा उपहार स्वरूप प्रदान गरिएका ट्रकहरूको लागि धन्यवाद दिदै दुई देशहरू बीचको व्यापक र पारस्परिक रूपमा लाभदायक सहयोगको प्रशंसा गर्नु भएको थियो ।
यस वर्षको अघिल्लो दिनहरुमा भारत सरकारले ५ मार्च २०२६ मा भएको प्रतिनिधि सभा निर्वाचनको लागि पनि नेपाल सरकारको अनुरोधमा एसयूभी, पिकअप र ट्रक सहित लगभग ६ सय ४० वटा सवारी साधन नेपाललाई उपहार स्वरुप प्रदान गरिसकेको छ ।
विगतका वर्षहरूमा पनि भारत सरकारले नेपाल प्रहरी, सशस्त्र प्रहरी बल र नेपाली सेना लगायतका सुरक्षा निकायहरूलाई २ हजार भन्दा बढी सवारी साधनहरु पनि उपहार स्वरुप प्रदान गरिसकेको छ ।
भारतबाट जारी सहयोग र समर्थनले दुवै देशहरू बीच रहेको बहुआयामिक र बहुक्षेत्रीय विकास साझेदारीलाई प्रतिबिम्बित गरेको छ ।
जुन भारत र नेपालको जन-जन बीचको गहिरो पारस्परिक विश्वास र मित्रताको पनि प्रतीकको रूपमा हेरिएको छ ।
