अछामको ढकारी गाउँपालिकामा बजेट दुरुपयोग गरेको आरोपमा अख्तियार दुरुपयोग अनुसन्धान आयोगले विशेष अदालतमा आरोपपत्र दायर गरेको छ ।
गाउँपालिकाका अध्यक्ष प्रकाशबहादुर साउद, निमित्त प्रमुख प्रशासकीय अधिकृत लक्ष्मण साह, लेखापाल विमल साउद तथा एक सञ्चार संस्थासँग सम्बन्धित व्यक्तिसहितले मिलेमतोमा करिब १२ लाख ७७ हजार रुपैयाँ हिनामिना गरेको आरोप लगाइएको छ ।
अख्तियारका अनुसार चलचित्र निर्माणका नाममा नियमविपरीत सम्झौता, बिना प्रतिस्पर्धा खरिद, बढी पेश्की भुक्तानी र नक्कली बिल प्रयोग गरी सरकारी रकम दुरुपयोग गरिएको पाइएको छ ।
उक्त कार्य भ्रष्टाचार निवारण ऐनअन्तर्गत पर्ने भएकाले सबै प्रतिवादीविरुद्ध बिगो असुलसहित कैद र जरिवाना माग गर्दै विशेष अदालत काठमाडौँमा मुद्धा दायर गरिएको जनाएको छ ।
