दीपेन्द्र प्रजापति/कालो झोला ।
काठमाडौं, १६ जेष्ठ । राष्ट्रिय नेवार पत्रकार मञ्चले सार्क पत्रकार मञ्चको सहयोगमा अन्तर्राष्ट्रिय मातृभाषा पत्रकार सम्मेलन आयोजना गर्दै आएको छ । NFNJ र SJF ले 1 र 2 जुन, 2024 मा काठमाडौंमा अन्तर्राष्ट्रिय मातृभाषा पत्रकार सम्मेलन आयोजना गर्दैछ ।
बुधबार एनएफएनजेले आयोजना गरेको पत्रकार भेटघाटमा महासंघका अध्यक्ष नृपेन्द्रलाल श्रेष्ठले सम्मेलनको जानकारी दिएका हुन् । महासंघले सम्मेलनको सम्पूर्ण तयारी पूरा गरी आयोजना गर्न तयार रहेको श्रेष्ठले बताए । सम्मेलनमा उद्घाटन र समापन बाहेक प्यानल डिस्कसन्स, पेपर प्रस्तुति र अन्तरक्रिया कार्यक्रम आयोजना गर्नेछौं,’ श्रेष्ठले भने ।
त्यस्तै सम्मेलन आयोजक समितिका संयोजक सुरेन्द्रभक्त श्रेष्ठले मातृभाषा पत्रकारिताको सय वर्ष पुगेको अवसरमा धर्मादित्य धर्माचार्यको योगदानको स्मरण गर्दै तेस्रो पटक यस्तो सम्मेलन आयोजना गर्न लागेको बताए । सम्मेलनमा विदेशका ५० भन्दा बढी पत्रकारको सहभागिता रहने र मातृभाषा पत्रकारिताका बारेमा आफ्ना विचार र धारणा राख्ने सार्क पत्रकार मञ्चका अध्यक्ष राजु लामाले जानकारी दिए ।
महासंघका पूर्वअध्यक्ष श्रीकृष्ण महर्जन, सुरजवीर बज्राचार्य, वरिष्ठ अध्यक्ष सुनिल महर्जन र सचिव राजु नापितले पनि सम्मेलन आयोजना गर्न एनएफएन तयार रहेको बताए ।
