काठमाडौँ । नेपाली राष्ट्रिय क्रिकेट टिमका खेलाडी आरिफ सेख नेपाल प्रहरीको प्रहरी सहायक हवल्दार पदमा विशेष बढुवा भएका छन् ।
नेपाल पुलिस क्लबका कप्तान समेत रहेका आरिफलाई बुधबार राष्ट्रिय प्रहरी प्रशिक्षण प्रतिष्ठानका कार्यकारी निर्देशक प्रहरी अतिरिक्त महाननिरीक्षक शिद्धी बिक्रम शाहले दर्ज्यानी चिह्नद्वारा सुशोभन गरेका थिए ।
यस अवसरमा माया ग्रुप युके र नेपाल प्रहरी शारिरीक सुगठन तथा खेलकुद शिक्षालयबीच २०२६ देखि २०२७ सम्म नेपाल पुलिस क्रिकेट टिमका लागि खेल सामग्री प्रायोजन गर्ने सम्झौता भए अनुरुप प्राप्त खेल सामग्रीहरु नेपाल पुलिस क्लब क्रिकेट टिमका खेलाडी तथा अफिसियलहरुलाई प्रदान गरिएको थियो ।
