दीपेन्द्र प्रजापति/कालो झोला ।
सप्तरी, ०६ जेठ । भारत सरकारको आर्थिक सहयोगमा निर्मित मधेश प्रदेशको सप्तरी जिल्लाको सुरुङ्गा नगरपालिकामा रहेको श्री जनता माध्यमिक विद्यालयको नयाँ विद्यालय भवनको बुधबार बिरगंज स्थित भारतीय महावाणिज्यदूतावासका महावाणिज्यदूत देवी सहाय मीना र सुरुङ्गा नगरपालिकाकी मेयर गीता चौधरीले संयुक्त रूपमा उद्घाटन गरेका छन् ।
विद्यालय भवन र सम्द्ध सुविधाहरूको निर्माण उच्च प्रभाव सामुदायिक विकास परियोजना (HICDP) को अन्तर्गतगरिएको थियो । यो सप्तरी जिल्लाको सुरुङ्गा नगरपालिका मार्फत कार्यान्वयन गरिएको हो ।
श्री जनता माध्य मिक विद्यालयको स्थापना सन् १९५१ मा भएको थियो । यस विद्यालयले नर्सरी (ECD) देलि स्नातक तहसम्मको शिक्षा प्रदान गर्दछ ।
यस विद्यालयमा भर्ना भएका विद्यार्थीहरूको कुल संख्या लगभग ६ सय २७ रहेको छ, जस मध्ये ३ सय ५८ छात्राहरू रहेका छन् । सुरुङ्गा नगरपालिकाकी मेयर, विद्यालय व्यववस्थापन र अन्य सरोकारवालाहरूले भारत सरकारले प्रदान गरिरहेको विकासात्मक सहयोगको लागि प्रशंसा पनि गरेका छन् ।
वहाँहरूले, नयाँ पूर्वाधारले यस क्षेत्रमा पढाईको वातावररण बढाउन र शिक्षा क्षेत्रलाई सुदृढ पार्न मद्दत गर्ने विश्वास व्यक्त गरेका छन् ।नजिकका छिमेकीहरूको रूपमा, भारत र नेपाल व्यापक र बहु-क्षेत्रीय सहयोगमा साझा गर्दछ ।
HICDPs को कार्यान्वयनले प्रामिकताको क्षेत्रहरूमा पूर्वाधार वृद्धि गर्नुका साथै वृद्धि र विकास हासिल गर्न नेपाल सरकारको प्रयासलाई सुदृढ पार्न भारत सरकारको निरन्तर सहयोगलाई प्रतिबिम्बित गर्दछ ।
