दीपेन्द्र प्रजापति/कालो झोला ।
बीरगंज, २२ श्रावण । नेशनल मेडिकल कलेज तथा शिक्षण अस्पताल, बीरगञ्जमा विश्व स्तनपान सप्ताह २०८२ विशेष कार्यक्रमका साथ भव्य रूपमा सम्पन्न गरेको छ । समापन समारोहको प्रमुख आकर्षणहरूमा बाल रोग विभागको नयाँ वार्ड उद्घाटन, शिशु सहित आमाहरूको सम्मान, तथा विद्यार्थीहरू द्वारा प्रस्तुत स्तनपान सम्बन्धी शैक्षिक कार्यक्रम रहेको थियो ।
कार्यक्रमका विशेष अंशहरूमा आमाहरूको मातृत्वको सम्मान स्वरूप स्मृति चिन्ह र तस्बिर प्रदान गरिनु उल्लेखनीय रह्यो । साथै स्तनपानको महत्वबारे सचेतनामूलक स्वास्थ्य शिक्षा सत्रहरू सञ्चालन गरियो । जसबाट उपस्थित आमाहरू र स्वास्थ्यकर्मीहरूले उपयोगी जानकारी प्राप्त गरेका थिए । विद्यार्थीहरु द्वारा प्रस्तुत शैक्षिक कार्यक्रमले स्तनपानसम्बन्धी जनचेतना अभिवृद्धिमा टेवा पुर्याएको छ ।
कार्यक्रममा प्रबन्ध निर्देशक सहनवाज अन्सारी, शैक्षिक निर्देशक डा. रुबी श्रेष्ठ यासमिन, अस्पताल निर्देशक डा. ईसरत जहान अन्सारी, नर्सिङ डाईरेक्टर, भाईस प्रिन्सिपल, सि.आई.ओ., म्याट्रोन, विभिन्न विभाग प्रमुखहरू, साथै प्रशासन, नर्सिङ र मार्केटिङ टिमका सदस्यहरूको उल्लेखनीय उपस्थिति रहेको थियो ।
यस समापन समारोहले मातृत्वको सम्मान गर्दै स्तनपानलाई स्वस्थ शिशुका लागि आधारभूत अधिकारका रूपमा पुनः पुष्टि गरेको छ ।
%20सफलतापूर्वक%20सम्पन्न-){kind=link}
