दीपेन्द्र प्रजापति/कालो झोला ।
बीरगंज, २३ माघ । जिल्ला प्रहरी कार्यालय, पर्सा ले विशेष सूचनाको आधारमा बुधबार दिउँसो करिब ०२:०० बजेको समयमा वीरगञ्ज महानगरपालिका वडा नं. १०, आदर्शनगर स्थित रहेको ग्लोबल आई. एम. ई. बैंक नजिक सडक खण्ड बाट श्रोत नखुलेको लाखौं रुपैयाँ सहित एक जना मानिसलाई आफ्नो नियन्त्रणमा लिएको छ ।
पर्सा जिल्लाको विन्दवासिनी गाउँपालिका वडा नं. ०३, झौवा बस्ने वर्ष ४३ को अजय कुमार साहलाई शंका लागि चेक जाँच गर्दा निजले लगाएको सेतो ट्रयाक्सुटको दुबै साईडको खल्तीमा लुकाइ छिपाई राखिएको नेपाली रु. १ हजारको दरका नोट ७ सय थान गरी जम्मा रु. ७ लाख फेला पारी कानूनी रित पुर्याई खानतलासी बरामदी गरी निज अजय कुमार साहलाई नियन्त्रणमा लिई यस कार्यालयमा ल्याइ निज विरुद्ध मुलुकी अपराध संहिता, २०७४ को दफा १२५ को (क) बमोजिम ( हुण्डी सम्बन्धी कारोबार गर्न नहुने ) कसूरमा थप अनुसन्धान कार्य भईरहेको कुरा सूचना अधिकारी प्रहरी नायब उपरीक्षक किशोर लम्साल ले बताएका छन् ।
साथै निजलाई २०८१ साल बैशाख ०७ गते जिल्ला प्रहरी कार्यालय, पर्सा बाट नै बैंक तथा वित्तिय संस्था सम्बन्धी कसूरमा मुद्दा चलाइएको हुँदा पटके ( हुण्डी कारोवारी ) देखिएको व्यहोरा समेत सूचना अधिकारी लम्साल ले जानकारी गराएका छन् ।
%20को%20उद्घाटन-){kind=link}