दीपेन्द्र प्रजापति/कालो झोला ।
बीरगंज, २३ भदौ । सशस्त्र प्रहरी बल नेपाल प्रस्तावित सीमा सुरक्षा गुल्म, बीरगंज ले आई बिशेष सूचनाको आधारमा वीरगंज महानगरपालिका वडा नं १० स्थित आदर्शनगर बाट काजु, मरिच र टेम्पु सहित चालक लाई आफ्नो नियन्त्रणमा लिएको छ ।
उक्त दिन त्यहाँ बाट खटिएको टोलीले आदर्शनगर बाट घण्टाघर तर्फ जादै गरेको ना. २ ह ५९६ नम्बरको टेम्पुलाई रोकि चेक जाँच गर्दा उक्त टेम्पुमा भारत बाट अबैध रुपमा भन्सार छलि ल्याईएको रु. ६ लाख ४५ हजार ६ सय बराबरको २७ डिब्बा (२ सय ७० के. जी.) काजु र ६ बोरा मरिच भेटिएकोले सामान र टेम्पु सहित टेम्पु चालकलाई नियन्त्रणमा लिई रु.३ लाख टेम्पुको मुल्याङ्कन गरी जम्मा मुल्य रु. ९ लाख ४५ हजार ६ सय बराबरको टेम्पु र सामान सहित बारा जिल्लाको बिश्रामपुर गाँउपालिका वडा नं. ०२, बरैनिया बस्ने अन्दाजी बर्ष २५ को टेम्पु चालक समेतलाई आवश्यक कारबाहीको लागि वीरगंज भन्सार कार्यालयमा बुझाएको कुरा सशस्त्र प्रहरी बल नेपाल नं. १३ गण मुख्यालय, पर्सा का सूचना अधिकारी सशस्त्र प्रहरी नायब उपरीक्षक देबेन्द्र सिंह ले बताएका छन् । तर टेम्पो चालक तथा तस्करको नाम भने गोप्य राखिएको छ ।
